 حشا لولا عشر خصك بها ربي عن الباقين أبد ما كان من شافك تطيح الناس من عينه دلع لين وشقار خف دم ومخملية عين خجل ملح وجمال وصدق هنأ للي تحبينه ظلمتي من يجي بعدك يجون وكنهم مقفين قهرتي من يجي قبلك لو إنه شمس تخفينه يغاير كوكب الأرض السما الدنيا متى تمشين يقول إنه حظيظ اللي تواضعتي تدوسينه ولو الله زوج الشمس القمر ثم أنجبوا نجمين حشا ماجابوا اللي يشبهك نوره ولا زينه بنفسج نرجس ونوار وخزامى سوسن وياسمين ربيع ينبت بثغرك ترى لو ما تبلينه وأنا عني خلقت أسجد لربي وألتزم بالدين وأفكر كيف اسوي شي في دنياي ترضينه أحبك وأعشقك وأحيا بحبك لين أقول آمين وليف بالهوا والحب أنا أول من تعدينه وعلى الكون الحرام إنه من أول خلقته للحين أبد مازاره اللي يحاليك بموازينه وحشا لولا حلاك اللي رفع قدرك عن الباقين أبد ماكان من شافك يشوف الجنه بعينه |
 |
* لبى الاهدآء ورآعيته =$ |
ليست هناك تعليقات:
إرسال تعليق